कायदा

सर्वसामान्य माणसांच्या दैनंदिन जीवनाशी संबंधित कायदे, व्यक्तिगत कायदे यांचे ज्ञान प्रत्येक नागरिकाला असणे गरजेचे आहे. आपल्यावर होणा-या अन्यायाला प्रतिकार करण्यासाठी, अन्यायाविरुध्द दाद मागण्यासाठी आणि कायद्याच्या धाकाने गुन्हा करण्यापासून माणसाने प्रवृत्त व्हावे यासाठी प्रतिबंधात्मक उपाय म्हणून ही कायदा साक्षरता आम्हाला आवश्यक वाटते. शहरी भागात, वस्ती पातळीवर तसेच ग्रामीण भागातही ही शिबीरे आम्ही घेतो. या शिबीरात विवाहविषयक कायदे, मालमत्तेसंबंधी कायदे, ग्राहक संरक्षण कायदा, हुंडा विरोधी कायदा, घरगुती हिंसाचार विरोधी कायदा, स्त्रिया व लहान मुलांच्या लैंगिक शोषणाबाबतचे कायदे, महिला विषयक कायदे, पोलीस कारवाईची पध्दती इ. बाबत माहिती दिली जाते. अनेक नामवंत वकिलांची या शिबीरात व्याख्याने झाली. २००६-२००७ या वर्षी राष्ट्रीय विधी सेवा प्राधिकरणाने स्वाधारला विधी साक्षरता कार्यक्रमांसाठी अनुदान दिले. स्वाधारच्या सर्व केंद्रांनी व शाखांनी त्यांच्या परिसरात व काही ग्रामीण भागात ही शिबिरे आयोजित केली. अनेक मान्यवर वकिलांनी, पोलीस अधिकाऱ्यांनी सामाजिक कार्यकर्त्यांनी या शिबिरांत मार्गदर्शन केले. उदाहरणादाखल—