स्त्रियांना आत्मनिर्भर करुन स्वावलंबी व सक्षम जीवन जगण्यासाठी उभारी देणे आणि मदत करणे हा स्वाधारचा मुख्य आणि मुलभूत उद्देश आहे.
स्वाधार संस्थेची स्थापना १९८३ साली झुंजार समाजवादी नेत्या मा. मृणाल गोरे यांच्या नेतृत्वाखाली आणि टाटा समाजविज्ञान संस्थेच्या ज्येष्ठ प्राध्यापक मा. मीनाक्षी आपटे यांच्या मार्गदर्शनाखाली झाली. सामाजिक व कौटुंबिक समस्येने ग्रस्त स्त्रियांना त्यांची समस्या सोडविण्यासाठी व आत्मसन्मानाने जगण्यासाठी मार्गदर्शन व मदत करणे हे स्वाधारच्या स्थापनेमागील मुख्य उद्दिष्ट आहे. समाजातील लिंगभावभेद दूर होऊन समाजात स्त्रीपुरुष समानता रुजावी, महिलांना समजात सुरक्षितपणे वावरता यावे या दृष्टीने स्त्रीपुरुषांमध्ये जागृती निर्माण करणे हाही स्वाधारच्या कामाचा महत्वाचा भाग आहे. आजही हे कार्य कार्यकर्त्यांच्या मेहनतीने आणि हितचिंतकांच्या सहकार्याने सातत्याने चालू आहे.
स्त्रियांच्या विविध समस्या सोडविण्यासाठी मदत करणे. त्याच बरोबर समाजात स्त्रियांना सन्मानाने जगता यावे, समाजात स्त्रीपुरुष समानता रुजावी यासाठी सातत्याने प्रयत्न करणे हे स्वाधारचे उद्दिष्ट आहे.